BUTUAN CITY- Pormal nga gihangyo sa kampo ni kanhi Pangulong Rodrigo Duterte sa mga mahistrado sa International Criminal Court (ICC) nga ibalik ang kanhi Presidente sa mga Pilipino ug sa iyang pamilya.
Atubangan sa Korte, gihikyad ni defense counsel Nicholas Kaufman ang mahimong sunod nga lakang sa ilang kampo isip depensa sa kahi punong ehekutibo.
Sa pag-apela sa korte, gibansagan pa sa abogado si Duterte isip Tatay Digong ug gigamit ang hugot nga panawagan nga: “Give him back to his family.”
Tumong sa manipestasyon nga ipa-abot sa ICC ang sentimyento ug side sa mga taga-suporta ug pamilya sa kanhi Presidente sa Pilipinas.
Ang maong lakang sa depensa nunot sa nagpadayon nga hearing ug paghikyad sa ebidensya sa ICC kalabot sa gihimong imbestigasyon sa dugoong drug war sa miaging administrasyon.
