BUTUAN CITY – Subling mipakita’g magic si Luka Doncic sa game 2 sa Western Conference Finals batuk sa Minnesota Timberwolves human napasulod ni Luka Doncic ang 3-pointer sa 3 segundos na lang sa nahabilin oras sa dula aron makuha sa Dallas Mavericks ang kada-ugan og manguna sa 2-0 series sa iskor nga 109-108.
Human sa dula, subling mitala usab ang Slovenian guard og triple-double pinaagi sa 32 puntos, 13 assists ug 10 ka rebounds kondiin nakahimo kini og lima ka 3-pointers apan ang pinakadako mao ang nagpadaug kanila sa dula.
Labaw pa og duha ka puntos ang Wolves dihang gisayawan lang ni Doncic ang Defensive Player of the Year nga si Rudy Gobert aron tirahan og tres rasong milabaw sila og usa ka puntos.
Sa tres segundos sa dula nakatira pa si Naz Reid sa Wolves apan wala na kini nasulod.
Nasayrang milabaw pa ang Timberwolves og 18 puntos, 58-40, sa first half apan mibalos ang Mavericks nga nakakuha sa unang labaw sa pag-abli sa fourth quarter.
Mia-bag si Kyrie Irving sa Dallas og 20 puntos, unom ka assists og upat ka rebounds samtang si Daniel Gafford og Dereck Lively II dunay tag-16 og 14 puntos.
Nanguna usab si Reid sa Timberwolves pinaagi sa 23 puntos samtang si Edwards dunay 21 puntos, 7 ka assists og 5 ka rebounds.
Himoon ang Game 3 og 4 sa kurto sa Dallas.
