BUTUAN CITY – Gi-ablihan sa Vatican ang dalan ngadto sa pagka-Santos sa unang obispo sa Lingayen-Dagupan nga si Cesar Maria Dominguez Guerrero, base sa anunsiyo sa archdiocese kagahapong adlawa Pebrero 21.
Sigon sa Archdiocese of Lingayen-Dagupan nga gi-aprubahan sa Vatican request nga mohimo og Cause for Beatification lakip na Canonization kang Guerrero, nga duna karuy titulong “Servant of God.”
Sa simbahang Katoliko, ang titulo ngae “Servant of God” ihatag sa tawo kansa pormal nang gisugdan ang cause for beatification.
Si Guerero natawo sa Ermita, Manila, niadtong Enero 26, 1885, diin nagtungha kini og Law sa University of Santo Tomas adiser misulod sa pagkapari.
Nakumpleto niya ang ecclesiastical studies sa Pontifical Gregorian University sa Roma og gi-ordinahan niadtong Oktobre 28, 1914.
Human nag-silbei isip assistant parish priest sa Binondo og secretary to the Archbishop sa Manila, gitudlo kini isip unang obispo sa Lingayen niadtong Pebrero 22, 1929.
Giila sa archdiocese ang iyang pagtukod sa Mary Help of Christians Seminary sa Binmaley, Pangasinan.
Nag-serve usab si Guerrero isip Auxiliary Bishop of Manila og nahimong unang director sa Catholic Action of the Philippines.
Ang reputasyon niini na-apektuhan sa dihang gi-akusahan siya nga nakig-alayon sa puwersa sa mga Hapon niadtong World War II.
Human sa giyera, gikasuhan siya og treason diin nabasura ang kaso niadtong 1946.
Paglabay sa pipila ka tuig, gitakda ang pag-retiro ni Guerrero sa kumbento sa San Francisco del Monte.
Apan niadtong 1949, gitudlo kini isip unang obispo sa San Fernando, Pampanga, diin nahimong inila kini sa pagpromotar sa debosyon ngadto sa Virgen de los Remedios.
Namatay si Guerrero sa heart attack niadtong Marso 27, 1961, sa edad nga 76-anyos og gilubong sa Carmelite Monastery sa Angeles, Pampanga.
