BUTUAN CITY- Malampusong nahuman ang duha ka adlaw nga “LegisHear: Bawat Batas Mahalaga” sa Caraga State University Main Campus sa Ampayon, Butuan City, diin gipaduol sa publiko ang nagkalain-laing programa ug serbisyo sa gobyerno.
Lakip sa gipasiugdahan sa kalihokan ang libreng pag-apod-apod sa agricultural inputs sa Department of Agriculture-Caraga ngadto sa mga kwalipikadong benepisyaryo, ingon man ang Kadiwa ng Pangulo kansa nagtugot sa publiko nga makapalit og de-kalidad ug lokal nga mga produkto sa mas barato nga presyo.
Pinaagi niini, gitumong sa programa nga masuportahan ang lokal nga mga mag-uuma, negosyante ug prodyuser, samtang mahatagan ang mga konsumidor og mas barato ug kalidad nga mga produkto.
Pinaagi sa LegisHear, padayon nga gipaduol sa gobyerno ang mga serbisyo ug programa niini ngadto sa mga komunidad aron mas dali kining ma-access ug mas mapuslan sa katawhan.
