BUTUAN CITY – Nanguna karon sa medal tally sa Caraga Regional Athletic Games kon C-RAG 2025 ang probinsya sa Agusan del Sur nga dunay pito ka bulawang medalya; nga gisundan sa Agusan del Norte nga dunay lima; Surigao City, upat; Butuan City, tulo; ug ika-lima ang Cabadbaran City nga duna nay usa ka bulawang medalya. Anaa sa ika unom nga pwesto ang probinsya sa Dinagat Islands human nakasakmit og usa ka silver medal dayon ang Surigao City nga may duha ka bronze; ug Bislig nga dunay usa ka bronze medals.
Sumala ni Pedro Tecson, ang tigpamaba sa Department of Education kon DepEd-Caraga, sa kasamtangan, wala sila’y natalang mga bata nga nakasakit. Wala matud pay angayang kabalak-an ang mga ginikanan tungod kay usa sa ilang gipatuman mao nga walay himuong dula kung wala’y naka-standby nga medical teams.
Dugang sa opisyal, gipaningkamotan usab sa mga otoridad nga mapabiling hapsay ang mga mga billeting quarters hangtud mahuman ang maong padula.
Ang pamahayag ni Pedro Tecson, ang tigpamaba sa DepEd-Caraga. Hangyo lang sa opisyal ngadto sa mga ginikanan sa mga atleta nga suportahan lamang ang ilang mga anak aron dili mabalda sa ilang tagsa-tagsa ka event. Target sa ahensya nga ma-single digit na ang ranking sa rehiyon karong umalabot nga 2026 Palarong Pambansa.
