BUTUAN CITY – Gipaneguro sa kadumalahan sa Commission on Election kon Comelec-Agusan Del Norte nga mahimong andam sila sa ipahigayon nga Barangay og Sanguniang Kabataan kon SK Election karung Nobyermbre 2, 2026.
Sigon ni Atty. April Joy Balano, Provincial Election Supervisor IV sa Comelec-agusan Del Norte lakip sa ilang gihimong pagpangandam sa karun ang pagpahugot sa voter’s registration pinaagi sa Sattelite registration.
Tungod niini, duna nay 12-mil ka aplcants ang pending for approval sa karun sugod lang niadtong Enero 19 ngadto sa Marso 3. Kini gawas pa sa na-aprubahan na nga 476-mil ka regular nga botante ug 219-mil ka SK.
Sumala pa ni Atty. Balano nga ila usab nga gi-agni kadtong mga botante nga deactivate na ang account tungod sa wala pagbotar ug duha ka sunod-sunod nga election sa pagdool sa ilang mga opisina.
Kini human nasuta nga muabot sa 30-mil ka account sa mga botante ang ilang gi-deactivate.
Lakip usab e-cater nga serbisyu atol sa voter’s registration mao ang pag-tranfer, updating, og correction.
Okupado usab sila sa karun sa mga aktibidadis adiser pa ang filling sa Certificate of Candidacy kon COC karung Setyembre 28 nagdto sa Oktobre 5.
Sumala pa niini, dunay sunod-sunod usab nga ipahigayon nilang candidates briefing aron masayud sila unsay dapat buhaton og gikinahanglan andamon sa pag-file sa COC.
