BUTUAN CITY – Emosyunal si Artemis II Landing and Recovery Director Lili Villarreal sa malampusong splashdown sa nahabiling capsule sa Artemis II sa San Diego, California.
Si Villarreal usa ka Colombian immigrant nga nanguna sa paghagsa sa Artemis II capsule nga gisakyan sa upat ka astronaut nga malampusong mibyahe padulong sa bulan.
Sa usa ka interbyu sa National Aeronautics and Space Administration (NASA), gipaambit ni Villarreal ang iyang kalipay sa kalampusan sa misyon gikan sa pagsugod niini hangtod sa luwas nga pagbalik sa Yuta.
Sumala pa niini, usa ka dili mabugtian nga kasinatian nga siya ang unang nakakita sa mga astronaut human sa ilang malampusong misyon, ug masiguro nga hapsay ang landing, retrieval sa mga astronaut, ug recovery sa capsule.
Gihisgutan usab ni Villarreal kung giunsa niya pagsulod sa NASA bisan pa sa iyang kahimtang isip usa ka immigrant gikan sa Colombia.
