BUTUAN CITY– Nagpahayag og kasubo si Coach Tim Cone human sa laing kapildihan nga nadawat sa Gilas Pilipinas batok sa Australia sa FIBA World Cup Qualifiers sa Mall of Asia Arena.
Ang Boomers, bisan dili kompleto ang ilang “A-Team,” mipakita gihapon sa ilang kahusayan ug gilampaso ang Gilas, sa skor nga 93-66. Ang Pilipinas nakabira pa sa unang duha ka kwarter apan napalong ang kusog sa ikaduhang bahin diin wala na makasabay sa paspas nga opensa sa mga Aussie.
Bisan pa sa duha ka sunod-sunod nga kapildihan, lakip na ang 69-66 batok sa New Zealand, sigurado gihapon nga makasulod ang Gilas sa sunod nga round.
Si Justin Brownlee mitabang og 20 puntos samtang si Quentin Millora-Brown nakadugang og 11 points, apan dili kini igo aron mapugngan si Elijah Pepper kansa nakapuntos og 28 alang sa Australia.
