BUTUAN CITY – Hingpit nang nadawat sa mga palarang mananaog ang cash incentives nga gitagana sa Bombo Radyo Philippines alang niadtong mga successful blood donors sa Dugong Bombo 2023 dinhe sa Butuan City.
Lakip sa nakadawat sa tag-usa ka libo ka pesos sila John Kevin Mendi sa Patin-ay, Agusan Del Sur; Anna Theresa Azote sa Barangay Villakanga, Butuan City; Roel Gempero, Libertad, Butuan City; Keneethlee Flores ning siyudad; og Julio Olano nga taga Barangay Ampayon, Butuan City.
Sa nahimong pamahayag ni Julio Olano, hilabihan ang kalipay niini tungod kay naka-chamba matud pa siya nga mahimong mananaog bisan paman sa kadaghan sa mga nagpakuha og dugo.
Samtang sa kabahinan usab ni John Kevin Mendi, gibutyag niining sa nakalabay nga bulan palang nagplano na siyang madonar og dugo sa dugong bombo.
Wala damha usab nila Asi Mancera og Norman Penera gikan sa Philippine Coastguard nga mabunutan ang ilang ngalan og madawat ang cash incentives nga 2-mil pesos og 4-mil pesos. Sumala pa nila, hilabihan ang ilang kalipay human gitawagan nga lakip sa mga midaug.//(AV OF LOKAL – 1B…CUE OUT)/. Ang sunod nga pamahayag nila Asi Mancera og Norman Penera gikan sa Philippine Coastguard. Samtang nag-awas-awas usab ang pagpasalamat ni Dario Angco taga Barangay Antongalon, Butuan City nga siya ang palarong nakakuha sa 5-mil pesos. Sumala pa niini, sukad nagsugod ang Dugong Bombo wala siya mapakyas sa pag-apil niini og gane kini na ang iyang 29 nga pagpakuha og dugo. Wala gihapon damha ang iyang kadaugan diin gipahibalo na lang siya sa iyang anak nga siya ang nakadaug sa 5-mil pesos.
