BUTUAN CITY – Nagpagawas na og advisory ang Office of the Civil Defense kon OCD-Caraga ngadto sa tanang mga Local Disaster Risk Reduction and Management Councils kon LDRRMCs ug membro mga membro sa Regional DRRMC nga i-activate na ang Emergency Operations Center (EOC); magpagawas og EOC alert level ingon man mga local advisories ngadto sa komunidad subay sa pagkuso-kuso sa bagyong Auring.
Atol sa virtual meeting sa National DRRMC, gitaho ni OCD-Caraga Regional Director Liza Mazo nga kagahapon pa lang, gipa-alerto na niya ang tanang mga alert emergency teams; gawas sa pagpahigayon na og preemptive evacuation ngadto sa mga lugar nga prone sa areas mga landslides ug pagbaha.
Gipatuman na usab niya ang Operation Listo protocols sa Department of Inteior and Local Government kon DILG ug gi-activate na ang mga response clusters.
Gimanduan na usab ang mga Local DRRM Councils nga padayong bantayan ang lakat sa panahon ug i-imonitor ang ilang kasubaan tungod sa pagsugod na og bundak sa ulan sa ingon mahikling gilayon ang mga tawong mabutang sa alanganin ang kinabuhi.
Sa eksklusibong pakighinabi sa Bombo Radyo Butuan, gibutyag ni Erma Suyo, hepe sa Agusan del Norte-Provincial Disaster Risk Reduction and Management Office (PDRRMO) nga kagahapon sa buntag na naghatag og guidelines si Gov. Dale Corvera ngadto sa katawhan samtang gipa-andam na usab ang tanang Local Disaster Risk Reduction Management Council sa matag-Local Government Units.
Gipadayag usab ni Jeff Crisostomo ang information officer sa probinsya sa Dinagat Islands nga “well-prepared” na ang ilang probinsya sa paghapak unya ni Auring kodiin naka-preposition na usab ilang mga relief goods alang sa ilang mga residenteng ihikling taliwa nga wala pa sila nagpatuman og pre-evacuate evacuation.
