BUTUAN CITY – Hingusgan ni Presidential Communications Secretary Martin Andanar nga mahimong federal state ang rehiyon sa Caraga ugaling hingpit nang mapulihan ang sistema sa gobyerno ngadto sa pederalismo.
Sigon ni Andanar sa pakighinabi sa Bombo Radyo Butuan, kinahangkan usab nga pangusgan sa mga magbabalaod diha sa kongreso nga mahimong federal state ang Caraga samtang mangusog usab siya sa ehikutibo.
Kini dungan sa pagbutyag nga maayong walay kasagol ang rehiyon ilabina kay gilangkuban kini sa 5 ka dagkong probinsiya nga dunay daghang mga tourist destinations.
Samtang gipasabot ni Andanar nga sa mining nga hisgutanan, daghan ug mineral deposits ang Caraga apan sa kasamtangan porma sa gobyerno, 2 porsiento lang ang mabalik sa rehiyon gikan sa nasyunal.
Apan sa pederalismo, 50 porsiento ang mabalik sa Caraga nga dakong pondo na alang sa pagpalambo sa rehiyon.
Ugaling dunay pobre gayud nga munisipalidad, giklaro ni Andanar nga dunay 3 porsiento nga general appropriation act ang pwedeng magamit niini.
Samtang ang internal revenue allotment ngadto sa mga local government units kon LGUs, muabot na sa 50 porseinto nga karun 20 ngadto sa 30 porsiento lang. (Rolan Janea)
