-- ADVERTISEMENT --
BUTUAN CITY-Gikalipay ug gipanghambog sa Butuan City ang bag-ong kadaogan ni Julio Martino Torralba, usa ka atleta sa aerobic gymnastics, human klini makadaog og bulawang medalya atol sa Caraga Regional Athletic Games 2026, sa may Surigao City, Surigao del Norte.
Sumala ni Torralba nga ang iyang kalampusan bunga sa determinasyon ug walay puas nga training nga iyang giagian, diin sagol ang emosyon sa dihang nakab-ot niini ang maong medalya.
Dako usab ang iyang pasalamat sa iyang coach ug sa iyang mga ginikanan nga naghatag kaniya og inspirasyon ug suporta kansa nagpalig-on sa iyang paningkamot.
Ang maong kadaogan naghatag og dungog sa syudad sa Butuan ug nagpakita sa potensyal sa mga lokal nga atleta nga makiglumba sa mas dagkong entablado.
