BUTUAN CITY – Padayong gipatuman sa lokal nga kagamhanan ning siyudad sa Butuan ang Butuan Logistics Seaport sa Port of Masao sa Barangay Lumbucan nga makonsidera usab nga international seaports.
Sigon ni Michiko De Jesus, tigpamaba sa Butuan City government, ang nasangpit nga Butuan Logistics Seaports maoy magkonekta sa ruta og destinasyon sa nagkalain-laing lugar ilabina kay maka-akomodar na kini og dagkong barko.
Tungod niini, lauman ang daghang trabaho ug panginabuhian nga mamugna.
Tumong sa pagmugna sa Butuan Logistics Seaport ang pagpalambo sa ekonomiya dili lang sa Butuan City kundi sa tibook rehiyon sa Caraga.
Pag-promote usab kini sa turismo tungod kay makakita naman sila sa modernong mga pasilidad ug mga dagkong mga barko nga mobisita nga seguradong magdala og dagkong investments.
Sigon ni De Jesus, wala pa nasugdan ang Phase 1 sa maong proyekto nga gipundohan sa lokal nga kagamhanan ug ilalom sa Public-Private Partnership kon PPP.
