BUTUAN CITY- Gipukaw sa Commission on Audit ang atensyon sa lokal nga pangamhanan sa Butuan human nasuta sa maong ahensya ang ‘irregular’ matud pa nga pag gasto niini sa P154.77 million nga budget alang sa National Task Force to End Local Communist Armed Conflict (NTF-ELCAC) niadtung 2023.
Sumala sa state auditors nga tataw matud pang nakalatid sa Department of Budget and Management kon DBM Local Budget Circular No. 135, kansa gi-issue niadtung 2021, nga kinahanglan lamang magasto sa dakbayan sa Butuan ang P280 million NTF-ELCAC Local Government Support Fund-Support to Barangay Development Program (LGSF-SBDP) sa December 31, 2022.
Apan sumala sa COA nga nagasto pa sa dakbayan sa Butuan ang kinatibik-ang P154,768,914.121 niadtung Calendar Year 2023 alang sa ‘progress billings and final payments’, kansa ning lapas na sa December 31, 2022 fund validity period sa 2021 LGSF-SBDP ilalum sa NTF-ELCAC.
Sigon sa maong ahensya nga klaro kining paglapas sa Department of Budget and Management (DBM) UG Commission on Audit (COA) circulars ingon man sa Presidential Decree No. 1445 kansa nagdili pagpagawas sa pundo sa publiko nga gawas na sa appropriation law o uban pang specific statutory authority.
