BUTUAN CITY – Nanumpa si Butuan City Liga ng mga Barangay President Gemma Tabada isip usa sa mga bag-ong napili nga Liga ng mga Barangay kon LnB officers sa tibuok nasud ka-uban ang Sangguniang Kabataan kon SK National and Island Representatives atol sa oath-taking nga gihimo sa Malacaňang.
Si SK National President CJ Dalipe magsilbing ex-officio member sa National Youth Commission kon NYC ug ang SK Island representatives usab ang magsilbing mga membro sa NYC Advisory Council.
Nanumpa sila sa atubangan mismo kang Pangulong Ferdinand Marcos Jr.
Alayon niini, gi-ila sa presidente ang kontribusyon sa 31 ka mga bag-ong opisyales sa liga ng mga barangay ug upat ka SK alang sa Bagong Pilipinas.
Apil sa iyang gi-ila ang abilidad ug kahibalo sa mga bag-ong henerasyon karon sa nasod subay sa technological ingon man cyberspace advancements kansa dunay importanteng papel sa kinabuhi sa mga Pilipino.
Gipasalig usab sa presidente ang padayong suporta sa mga bag-ong napiliping mga opisyal dayong hangyo kanila nga maminaw sa yango-ngo sa mga local government units ilabina sa mga opisyales sa mga barangay.
