BUTUAN CITY – Nagtinabangay karon ang lokal nga kagamhanan ning siyudad sa Butuan ug ang kadumalahan sa Butuan City Water District kon BCWD aron masulbad na ang krisis sa water supply nga hatud sa El Niño phenomenon.
Sa eksklusibong pakighinabi sa Bombo Radyo Butuan, gibutyag ni Butuan City Councilor Rey Desiata nga duna na sila’y gihan-ay nga mga short, mid ug long-term solutions alang niini.
Sa pagkakaron, nagpalit ang city government og tulo ka mga submersible pumps nga ilang gidonar ngadto sa BCWD aron mapa-andar ang upat ka mga pumping stations sa ingon ma-abagan ang nag-function nga usa lang ka pumping station.
Gidugang sa opisyal nga tungod sa nasinatian karon nga krisis sa supply sa tubig, kinahanglang duna na’y andam nga mga lakang ang city government sa ingon dili na ma-usab kini nga problema.
