BUTUAN CITY – Wala makapugong sa pagpaso sa mga graduating students sa Diplahan National High School sa lungsod sa Diplahan, Zamboanga Sibugay alang sa school year 2024-2025 ning mi-aging adlaw, ang pag-brownout sa linya sa kuryente sa Zamboanga del Sur Electric Cooperative kon ZAMSURECO.
Kini tungod kay gipadayon gihapon sa mga estudyante ingon man sa mga magtutudlo ang ilang pagpaso.
Tungod sa kadugay pagbalik sa kuryente, on-the-spot nga nagkasabot ang mga graduates nga sila na lang mismo ang mukanta sa graduation song samtang gitawag ang ilang tagsa-tagsa ka pangalan aron mupaso sa entablado uban sa ilang ginikanan.
Makapanlimbawot sa balahibo ang maong senaryo sa tumong nga dili lang maguba ang mismong adlaw sa ilang pagtapos na sa pagtungha.
