BUTUAN CITY – Gitu-uhang biktima sa salvage ang napalgang patay’ng lawas sa usa ka lalaki sa pang-pang sa may Purok-7, Barangay Bonbon, ning siyudad sa Butuan.
Nangalisbo na ang baho sa padugta nang patay’ng lawas kansa aduna pay bangag nga makita sa agtang niini.
Sa pakighinabi sa Bombo Radyo Butuan sa nagpa-ilang higala sa napalgang patayn’g lawas, gipadayag niining mi-adto gilayon siya sa dapit nga nahitaboan human nasayrang dunay nakit-ang patay’ng lawas dungan sa panghinaot nga unta dili kini ang iyang higala.
Apan sa pagsusi sa patay’ng lawas gikumpirma niini nga mao ang ilang barkada pinaagi sa suot niining senina kansa pila adlaw na nilang gipangita. Gi-ila niini ang biktima nga si Elvis Bersabal hamtong ang pangidaron ulitawo ug residente sa Barangay San Vicente ning dakbayan kondin gisegundahan usab sa amahan sa biktima ang pag-ila sa patay’ng lawas .
Gidugang sa barkada nga gikakurat niya pag-ayo ang nadangatan ni Elvis tungod kay wala siya’y makita nga rason o kaha atraso aron pahamtangan kini og kamatayon ilabina nga buotan man ang pagka-ila niya niini.
