BUTUAN CITY – Patay ang drayber ug ang usa ka pasahero sa Bongo truck sa dihang aksidente niining gikabanga ang dump truck sa may Purok 1, national highway, Patin-ay, Prosperidad, Agusan del Sur kaganihang alas dos ang takna sa kaadlawon. Nobyembre 7.
Naila ang mga biktima nga sila si Rolando Corada kansa maoy nag maniho sa Bongo, samtang ang pasayro niini mao usab si Aquilio Colina.
Sumala pa sa inisyal ng aimbistigasyon sa mga kapulisan ingon man sa saysay sa drayber sa dump truck ug sa mga residente nga nakasaksi sa maong panghitabo, gikan matud pa ang bongo sa Gingoog City ug kargado kini og lansones paingon sa Davao City. Pag-abot niini sa Purok 1, Patin-ay milayat kini sa center island sa national highway ug mitabok sa pikas nga lane ug gikasugat niini ang dump truck nga kargado sa aspalto kansa paingon usab sa Butuan City nga gimanehoan ni Jonathan Abilan, lumolupyo sa Mahaba, Cabadbaran City diin na luwas ra usab gikan sa maong aksidente.
Sa kasamtangan, naa na sa usa ka funeral home ang pataygn lawas sa mga biktima, ingon man, anaa na usab sa kostudeya sa PNP ang drayber sa dumptruck alang satukmang disposasyon.
