BUTUAN CITY – Subling gipamatud-an sa Bombo Radyo Bacolod ang airwave supremacy sa Bacolod City ug kinatibuk-ang Negros Island Region human napili pag-usab isip ‘Best AM Radio Outlet of the Year’ sa Bilib Awards 2026 sa mga Communication students sa University of Saint La Salle.
Gidawat ang maong pasidungog ni assistant station manager Bombo Erlyn Bayoneta-Arroyo.
Ang mitubag sa survey form sa pagpili sa mudaog mao ang mga estudyante, faculty members ug nagkada-iyang publications sa maong unibersidad.
Sigon ni Eunice Rose Denuevo, production manager sa 25th Bilib Awards, ilang gilista ang tanang AM ug FM stations ug print media sa kinatibuk-ang lalawigan sa Negros Occidental dayong himo og survey ug dinhi mipatigbabaw ang Bombo Radyo Bacolod sa maong kategoriya.
