BUTUAN CITY-Nagpabiling gimonitor ingon man obserbahan ang Langihan Premium Bus Terminal karong Huwebes Santo aron masuta ang dagan sa mga pasahero atol sa Semana Santa, sumala ni Raffy Cenisa, terminal incharge.
Gipadayon ang 24 oras nga byahe paingon Davao uban sa interval nga kasagarang 30 minutos, apan magdepende kini sa kadaghan sa pasahero ug mahimong i-adjust kung mingaw ang byahe.
Sa pagkakaron, daghan na ang naobserbahan nga nanguli nga pasahero ug giset ang interval sa 40 minutos, samtang kagahapon normal ang dagan sa biyahe.
Gibutyag usab ni Cenisa, nga sa Biyernes Santo, maghulat pa ang terminal og koordinasyon gikan sa Davao aron masuta ang sitwasyon ug makapahimo og tukmang plano, gani andam usab matud pa ang dugang nga mga unit kung modagsa ang pasahero karong adlawa ug ugma’ng adlawa.
Gipasalig ni Cenisa nga luwas ang mga pasahero panahon sa biyahe tungod kay ang mga drayber nakapahuway og igo ug sakto ang oras sa ilang tulog.
