BUTUAN CITY – Magduso og petition for reconsideration ang transport group nga Bayyo Association, Inc. batuk sa desisyon sa Korte Suprema nga nagbasura sa hangyo nila nga i-nullify ang public utility vehicle kon PUV modernization program kansa maoy magpapas sa traditional jeepneys.
Ang Bayyo Association, Inc. gilangkuban sa 430 ka mga jeepney operators ug drivers nga nag-operate sa nagkada-iyang ruta sa Metro Manila.
Sa eksklusbong interview sa Bombo Radyo Butuan, gibutyag ni Sonny Matula, presidente sa Federation of Free Workers, iyang naka-istorya ang presidente sa Bayyo Association, Inc. nga si Anselmo Perweg, kondiin sa ilang lantaw, paglapas matud pa ang desisyon sa Korte Suprema sa ilang katungod human gilatid sa desisyon nga wala matud pa’y legal peronality ang Bayyo aron kwestyunon ang regulasyon sa Department of Transportation kon DOTr sa rasong dili matud pa sila apektado sa programa kansa ginegar sa maong grupo.
Gibarugan sa transport groups nga dili kaya sa mga jeepney operators ug drivers ang bayrunon alang sa gamitong modern jeepney tungod sa kamahal niini nga mao unya matud pa’y magwagtang kanila og panginabuhian.
Gipasabot pa ni Matula nga bisan pa man sa desisyon sa Korte Suprema sa hangyo sa Bayyo Association, Inc., dili matud pa ma-apektuhanan niini ang petisyong tungod teknikal man ang rason nga gi-dismiss sa Korte Suprema.
Kini ilabina nga wala ma-mention sa petisyon ang pagsupak sa trasport group nga i-consolidate ang prangkisa sa mga jeepney operators ngadto sa usa ka kooperatiba tungod kay bag-ong lakang lamang kini sa DOTr samtang ang petisyon, ilang gi-file niadto pang tuig 2020.
