BUTUAN CITY – Imbes nga magmaya alang sa pagsa-ulog sa Pasko, kurog ug kulba na hinuon ang gibati sa usa ka ginang human nga nasudlan og saag nga bala ang ilang panimalay pasado alas siete kagabii.
Sigon sa 29-anyos nga si Gillina Ecoben sa eksklusibong pakighinabi sa Bombo Radyo Butuan, residente sa Purok 6-D, Paradise Village sa Brgy. Libertad ning siyudad, kamulo siya og luto alang sa ilang ibayang unta sa noche buena dihang milanog ang kusog nga buto hangtud nga gitawag na siya sa iyang anak tungod sa nakitang bala sa ilang pansayan.
Uban sa tabang sa ilang mga silingan, girespondihan gilayon kini sa kapulisan og nakumpirmang bala kini nga milapos sa ilang bungbong human mi-igo sa atop. Base matud pa sa trajectory, posibleng gikan ang bala sa may Bliss area o kaha sa Emenville Subdivision.
Gipanubayan na karon sa ginsakpan sa Butuan City Police Station 3 ang maong panghitabo aron masubay ang nanag-iya sa maong bala ug mapanubag sa iyang pagpataka og pabuto.
