BUTUAN CITY – Magduso og bag-ong diplomatic protest ang gobyerno sa Pilipinas mahitungod sa dili professional ug danghag nga actions’ sa Chinese Navy helicopter ngadto sa aircraft sa Bureau of Fisheries and Aquatic Resources kon BFAR.
Kini base sa gi-isyung pamahayag sa Presidential Office for Maritime Concerns kagabii lang.
Una nang gisundan-sundan og mihimo pag delikado nga flight maneuvers ang People’s Liberation Army Navy helicopter nga dunay tail number 68 sa aircraft sa Bureau of Fisheries and Aquatic Resources (BFAR) sa hilabihan kadool nga distansiya nga 3 metro lang samtang mihimo ang panig sa Pilipinas og Maritime Domain Awareness Flight sa territorial airspace sa Bajo De Masinloc kagahapong adlawa pasado alas 8:39 sa buntag.
Sigon ni Philippine Coastguard kon PCG spokesperson for the West Philippine Sea Comm. Jay Tarriela naghatag og hilabihan kakuyaw sa kaluwasan sa mga piloto ug pasahero ang reckless action sa Chinese helicopter.
Nasayran nga sakay sa abyon sa BFAR ang mga personahe sa PCG ingon man mga photojournalists.
Gikondena ni Tarriela ang maong aksiyon nga dakong kalapasan matud pa sa international aviation regulations nga gitakda sa International Civil Aviation Organization (ICAO).
