-- ADVERTISEMENT --
BUTUAN CITY – Gipahayag sa Department of the Interior and Local Government (DILG) nga nagpabilin sa nasud ang negosyanteng si Atong Ang, ug halos maabtan na siya sa mga awtoridad sa gihimong operasyon niadtong Huwebes.
Sigon ni SILG Jonvic Remulla, dunay nadawat silang “eyeball sighting” kang Ang, apan ulahi na sila og usa ka adlaw rasong wala nila kini na-abtan.
Mibalibad usab ang kalihim nga ibulgar ang eksaktong lokasyon.
Mahinumdumang gilambigit si Ang sa mga kasong kidnapping mahitungod sa pagkawala sa mga sabungero niadtong 2021–2022, butang nga iyang gilimod.
Una nang gibutyag sa mga awtoridad nga nangayu na sila og tabang sa Interpol para sa red notice batuk kanya samtang padayon ang operasyon aron matultulan ang iyang nahimutangan.
-- ADVERTISEMENT --
