BUTUAN CITY- Selyohan na sa April-22 decision sa International Criminal Court kon ICC ang kaso sa mga gipanganlan isip co-perpetrator ni kanhi President Rodrigo Duterte.
Sumala ni Atty. Neri Colmenares, ang usa sa mga nagsilbing legal counsel sa pamilya sa mga drug war victim, kon ibasura sa international tribunal ang petisyon sa kampo ni Duterte nga nagkuwestiyon sa hurisdiksyon sa korte sa Pilipinas, selyohan usab sa korte ang kaso sa mga kaubang co-perpetrators nga gilaumang dakpon sa korte sa ulahi.
Nagtuo ang kampo sa mga biktima nga kwestiyonon usab sa mga co-perpetrator ang hurisdiksyon sa korte kung ugaling magpagawas na ang tribunal og arrest warrant batok kanila.
Sigon ni Colmenares, nga importanteng kompirnahon sa ICC ang hurisdiksyon niini sa Pilipinas aron mapadetine usab niini ang mga co-perpetrator, sama sa unang pagkaditinee sa kanho Presidente.
Dugang pa ni Colmenares, nga gusto usab sa mga biktima nga makita ang tanang co-perpetrators nga napriso ug mo-atubang sa hearing. Matud pa, kapin usa ka tuig sukad niadtong nasikop ang kanhi Presidente ug panahon na usab matud pa nga patubagon ang mga co-perpetrator.
Lakip sa mga gipanganlang co-perpetrator mao sila si Sen. Ronald “Bato” dela Rosa, Senator Christopher “Bong” Go, kanhi Justice Sec. Vitaliano Aguirre II, mga kanhi 4-Star General nga sila si Oscar Albayalde ug Camilo Cascolan ug kanhi Gen. Vicente Danao, kanhi National Bureau of Investigation kon NBI Director Dante Gierran, ug kanhi Philippine Drug Enforcement Agency chief Isidro Lapeña.
