BUTUAN CITY – Nasakmit ni Filipina tennis sensation Alex Eala ang pinakadakong titulo sa iyang karera human gipildi ang top seed nga si Jessica Pegula, 4-6, 6-4, 6-0, sa finals sa 2026 Mubadala DC Open kaganinang kaadlawon, oras sa Pilipinas.
Nagpakita sa dakong determinasyon si Eala human malangay og halos 20 oras ang dula tungod sa daot nga panahon.
Bisan paman sa pagkapildi sa unang set, mibawi ang 21-anyos nga Pinay aron dominahon ang sunod nga duha ka set ug makuha ang kampeonato.
Gawas sa una niyang WTA 500 championship, natala usab ni Eala ang iyang ikasiyam nga dula sa Top 10 player, ug ikapito karung tuiga nga mas nagpalig-on sa iyang pag-angat sa kalibutan sa women’s tennis human gipildi ang world No. 4 ug hometown favorite nga si Pegula.
