BUTUAN CITY – Nakasulod sa sunod nga round si Alex Eala human gipildi ang Austrian nga si Julia Grabher, 6-4, 6-3, sa pag-abli sa clay season sa Upper Austria Linz Open karun, Miyerkules, Abril 8 (adlaw sa Pilipinas).
Sa unang set, gipakita sa tennis star ang determinasyon niini nga mosabay sa home favorite adiser hingpit nga nakabreak sa ika-10 nga serve aron makuha ang set.
Sa ikaduhang set, paspas siyang nakamugna og 4-1 nga labaw human ang sipyat sa serve ni Grabher sa ika-upat nga game.
Si Grabher, nga ranked No. 89, dunay 43 spots nga mas ubos kang Eala diin pinaagi sa pagpabilin sa iyang serve sa ika-unom nga serve ug pagbalik sa break sa ika-pitong serve, gipakunhod niini ang labaw ni Eala sa 4-3.
Bisan paman, paspas nga nakabalik si Eala, nakabreak sa ika-walong serve ug giselyuhan ang dula sa ika-siyam nga serve.
Kini na ang iyang pinaka-unang kadaugan sa clay court karun nga season ug nangandam siya sa usa ka dakong rematch batuk kang Grand Slam champion ug fourth seed Jelena Ostapenko, nga nakadawat og opening-round bye.
