BUTUAN CITY – Suportahan ni Agusan del Sur Governor Santiago ‘Santi’ Cane Jr. ang mga mangdaug sa Caraga Regional Athletic Games kon CaRAGa 2024 kansa pormal nga gisugdan kagahapon sa state-of-the-art Datu Lipus Makapandong Gov. D.O. Plaza Sports Complex.
Sa iyang pagpamulong, gipadayag sa gobernador nga dugay na nilang pangandoy ang pag-host sa mga major sporting events sama sa CaRAGa 2024.
Mala-umon ang gobernador nga sa umalabot nga katu-igan, maka-host usab ang ilang lalawigan og Palarong Pambansa.
Sigon ni Gov. Cane, dili siya magduha-duha paghatag og suporta sa mga mu-compete ug murepresenta sa rehiyon alang sa Palarong Pambansa 2024 nga himuon karong July sa Cebu City pinaagi sa paghanyag og sports complex isip venue alang sa usa buwan nga in-house training sa mga atleta nga magsuglod sa buwan sa Hunyo.
Tinguha usab sa gobernador nga makapadala ang Caraga team ug mga de-kalibreng atleta sa Palarong Pambansa 2024 aron mapalambo ang rankings sa rehiyon sa national standings.
