BUTUAN CITY- Gipalig-on sa Provincial Government sa Agusan del Norte ug sa Commission on Population and Development kon CPD-Caraga ang ilang relasyon pinaagi sa pagpirma og Memorandum of Agreement aron mapalambo ang people-centered ug responsive nga population and development programs sa probinsya.
Gipirmahan ni Governor Maria Angelica Rosedell Amante ug CPD-Caraga Regional Director Alexander Makinano ang kasabutan nga naghatag og logistical assistance sa Population Division sa Provincial Social Welfare and Development Office aron suportahan ang human capital development pinaagi sa life course approach.
Lakip sa mga prayoridad nga programa ang pagpalig-on sa mga teen centers alang sa adolescent health and development, suporta sa senior citizen centers, labor force empowerment, ug pagpalambo sa active ug healthy aging. Sumala sa duha ka ahensya, ang maong partnership nagpakita sa ilang komon nga paningkamot sa pagpalambo sa kalidad sa kinabuhi sa mga lumulupyo sa tanang yugto sa kinabuhi, nga makatampo sa mas lig-on nga pamilya, mas malig-on nga komunidad ug malungtarong kalamboan sa Agusan del Norte.
