-- ADVERTISEMENT --

BUTUAN CITY – Gitawag ni Ukrainian President Volodymyr Zelensky nga “killer” si Russian President Vladimir Putin isip tubag sa paghulagway ni United States President Donald Trump kang Putin nga iyang higala atol sa iyang pagbisita sa China ning semanaha.

Sigon si Zelensky, anaa na sa desisyon ni Trump kon unsaon niini pagtawag kang Putin, apan alang kanila, ang Russian leader usa ka kaaway ug mamumuno.

Atol sa makasaysayang trilateral meeting nila ni Chinese President Xi Jinping ug Putin, gihulagway ni Trump nga iyang higala si Putin dayong butyag nga dugay na silang adunay maayong relasyon.

Samtang, dili siyam ka tawo ang namatay sa mga pag-atake sa Russia nga mipunting sa mga tulay sa Kyiv ug mga estasyon sa tren, pipila lamang ka adlaw human grabeng nadaot sa Ukraine ang Crimean Bridge.

Gihulagway ni Zelensky nga pinakadakong pag-atake karong tuiga ang maong opensiba, diin kapin sa 110 ka missiles, lakip ang 27 ka ballistic missiles, ug kapin sa 400 ka drones ang gigamit sa Russia.

-- ADVERTISEMENT --

Pipila ka oras human sa maong mga pag-atake,gibutyag ni Trump, gusto usab nila Zelensky ug Putin nga mahunong ang gubat ug usa ka maayong butang alang kaniya nga aduna siya’y maayong relasyon sa duha ka lider.