-- ADVERTISEMENT --

BUTUAN CITY – Gipresentar sa kampo sa defense team ni Vice President Sara Duterte ang mga dokumento ug mga litrato sa manufacturing facility sa Cale88 Foods Corporation isip pamatuod sa virtual site inspection nga gihimo niadtong tuig 2021 nga ilang gisubmite sa Department of Trade and Industry o DTI.

Lakip sa mga mitambong sa maong virtual inspection si Dr. Lourdes Lebosada, nga nailhan usab nga dentista sa Bise Presidente ug business partner sa iyang bana nga si Atty. Manases Carpio sa Cale88.

Gikumpirma sa ikawalong testigo sa defense team nga si DTI Undersecretary Ceferino Rodolfo nga rehistrado ang kompanya sa Board of Investments o BOI isip export enterprise, diin gikinahanglan nga dili mu-ubos sa 70-porsiyento sa kinatibuk-ang produksiyon niini ang igahin alang sa eksportasyon.

Base sa mga rekord nga gipresentar sa impeachment trial, mikabat lamang sa P125 mil ang paid-up capital sa Cale88, apan niabot sa P776 milyon ang kinatibuk-ang pagsulod sa kuwarta niini ug P154 milyon ang migawas nga pondo, samtang P23 milyon ang gikataho nga kinatibuk-ang sales.

Ang pagpakita sa defense team sa mga dokumento ug mga litrato sa site inspection ug manufacturing facility sa Cale88 Foods Corporation.

-- ADVERTISEMENT --

Una nang gipresentar sa Anti-Money Laundering Council o AMLC ang testimonya nga nakadawat ang kompanya og P319.32 milyon nga mga remittance gikan sa China ug Hong Kong, nga nahimong kabahin sa mga pangutana kalabot sa operasyon ug pinansyal nga transaksiyon sa kompanya. .