BUTUAN CITY – Makonsiderang dakong butang ang pagtestimonya ni Atty. Rainer de la Fuente sa impeachment court aron ipakita ang kawalay basehan sa unang testimonya ni Atty. Alexander Cabrera, ang gipresentang expert witness sa prosekusyon.
Gitumbok ni Jeffrey “ Ka Eric” Celiz, secretary general sa grupong Bangon Sambayanan ang gipahayag ni Atty. Dela Fuente nga lisud himoon sulod sa duha ka semana ang mag-audit o mag-imbestigar sa seryosing financial transaction nga himoan pa dayun og conclusion.
Sumala pa ni Celiz nga importante kining testimonya ni Atty. Dela Fuente tungod sa paghatag og buslot sa unsay gi-angkon sa prosecution.
Lakip sa gipaklaro sa testigo nga dunay kasinatian sa financial investigation nga dili basta nalang mag-imbestigas ang pribadong indibidwal o kaha mag-hire aron lang susihon ang iregularidad sa pinansiyal, ilabina kung kini ang paglapas sa Anti-Money Laundering law.
Na-establisar usab sa testigo nga dili legal valid ang findings kung dili kini na-establisar sa AMLC rasong makonsidera nga propaganda lang ang gihimo ni Cabrera samtang estrikto usab nga nagpahinumdum ang AMLC mahitungod sa confidentiality diin dili dapat e-leak o gamiton ang records kung walay opisyal nga pagtugot sa maong ahensiya.












