BUTUAN CITY- Sa pagsugod sa NBA season 2026-2027, gilayon nga nagpakitang gilas ang pipila ka grupo sa ilang kampanya alang sa kampeonato. Nag-una sa Western Conference ang Houston Rockets nga adunay record nga 7 win ug 1 loss, mingsunod ang Memphis Grizzlies (6-1) ug Portland Trail Blazers (4-1).
Samtang tabla sa ika-upat nga puwesto ang Los Angeles Lakers, Oklahoma City Thunder ug San Antonio Spurs nga adunay tig-5 ka daog ug 2 ka pildi.
Sa Eastern Conference usab, nag-una ang Philadelphia 76ers nga adunay 7-1 record, gisundan sa Detroit Pistons (6-1) ug Boston Celtics (5-2)
Sa listahan sa mga nangunang scorer, gipangunahan ni Luka Doncic sa Lakers ang liga sa average nga 38.3 puntos matag dula. Ikaduha si Stephen Curry sa Golden State Warriors nga adunay 30.0 puntos, samtang ika-tulo si Tyrese Maxey sa 76ers nga adunay 29.1 puntos.
