BUTUAN CITY – Posibleng mu-abot sa kapin sa 6.47-million metric tons ang produksyon sa humay sa Pilipinas sa kataposang quarter ning tuiga kon gikan sa Oktubre hangtod Disyembre, base na sa projection sa Philippine Statistics Authority (PSA), nga gibase sa aktuwal nga gidaghanon sa mga humay nga kasamtangang natamnan ug gila-uman nang maani sulod sa maong tulo ka bulan.
Base sa rekord sa maong ahensya, mas ubos kini og 5.5-porsyento kumpara sa aktwal nga produksyon sa nasud sa kataposang quarter sa tuig 2025 kondin mukabat sa 6.85 million metric tons ang aktwal nga na-aning humay sa tibuok nasud, nga halos 400 mil ka tonelada nga mas taas kumpara sa gipa-abot nga produksyon karon nga quarter.
Samtang mikabat lamang sa 3.08 million metric tons ang produksyon sa humay sa nasud sa ikatulong quarter sa 2026 kon gikan Hulyo hangtod Septiyembre kansa mas ubos kung itandi sa 3.75 million metric tons nga natalang produksyon sa humay sa ikatulong quarter sa tuig 2025.
