BUTUAN CITY – Nakab-ot sa Democratic Party ang unang kada-ugan sa estado sa South Carolina sulod sa 28 ka tuig human napildi si Republican Senate candidate Darline Graham batok sa Democratic candidate nga si Annie Andrews sa 2026 midterm elections.
Si Andrews, usa ka kanhi pediatrician, gila-uman na nga mudaog sa maong senatorial race ug nakab-ot ang wala damhang kada-ugan sa estado nga dugay nang gikonsiderang balwarte sa Republicans.
Si Graham gitudlo aron mopuli sa bakanteng lingkoranan sa Senado niadtong Hulyo, human sa kalit nga pagkamatay sa iyang igsoon nga si Senator Lindsey Graham kondiin gisuportahan usab siya ni US President Donald Trump.
Apan atol sa iyang kampanya, gi-ila ni Graham ang kakulang sa iyang kasinatian sa politika ug kahibalo sa mga isyu sa national security.
Nahisgotan usab ang iyang kalisod sa pagtubag sa usa ka pangutana bahin sa foreign policy atol sa debate. Nahimo kining dakong pagbag-o sa politika sa South Carolina, ilabina kay si Trump nakadaog sa maong estado sa 2024 presidential elections pinaagi sa 18 ka puntos nga lamang.
