BUTUAN CITY- Mingsaka sa bag-ong record high nga P19.66 trilyon ang kinatibuk-ang utang sa Philippine Government niadtong kataposang bahin sa Setyembre 2026, sumala sa datos gikan sa Bureau of the Treasury kon BTr.
Base sa datos sa buhatan, mingsaka og 0.27 porsyento o P53.47 bilyon ang utang sa nasud kumpara sa P19.61 trilyon nga nata niadtong buwan sa Agosto.
Gimogna sa domestic debt ang 67.39 porsyento sa kinatibuk-ang utang nga nagkantidada og P13.25 trilyon, samtang ang external debt usab nagkantidad og P6.41 trilyon o 32.61 porsyento.
Ang kalit nga pagsaka sa domestic debt resulta sa nag-unang net issuance sa government securities ug sa paghuyang sa kantidad sa piso batok sa US dollar kansa nakapekto sa Onshore Dollar Bonds.
Samtang, mingsaka usab og 0.70 porsyento ang external debt tungod sa paghuyang sa lokal nga salapi ug dugang net availment sa mga pautang gikan sa gawas sa nasud.
Ming-ubos usab sa P306.63 bilyon ang national government guaranteed obligations niadtong Setyembre tungod sa mga gihimong net repayments sa mga external guarantees.
