BUTUAN CITY- Mingsaka na sa ika-18 puwesto sa NBA All-Time Scoring List si Golden State Warriors superstar Stephen Curry human malabwan ang kanhi rekord ni NBA Hall of Famer Dominique Wilkins.
Naabot ni Curry ang 26,669 career points sa ilang dula batok sa Los Angeles Lakers niadtong Biyernes, hinungdan nga mingsaka kini sa ika-18 nga puwesto sa all-time scoring leaderboard.
Nalabwan na usab sa Warriors star ang mga kanhi NBA greats nga sila Tim Duncan, Paul Pierce, John Havlicek ug Kevin Garnett.
Anaa sa ika-17 nga puwesto usab si Oscar Robertson nga adunay 26, 710 career points, 36 points nga bintaha aron malabwan na usab ni Curry.
Samtang nagpabiling nag-una sa all-time scoring list si LeBron James nga adunay 43,522 puntos, samtang naa sa ika-duha nga puwesto si Kareem Abdul-Jabbar nga adunay 38,387 puntos.
