BUTUAN CITY- Gi-abot og overtime ang nahimong bakbakan tali sa Boston Celtics ug winless team nga Brooklyn Nets karung adlawa Oct. 28, dala ang grabe nga depensa tali sa duha ka team.
Gigukod sa Brooklyn ang 4-point, 4th-quarter deficit ug gitabla ang away sa skor nga 117 sa pagtapos sa 4th quarter hinungdan nga ming-abot sa OT ang dula.
Wala gihapon nahimong dali ang away human gidala sa Nets ang dapat winning score nga 124-123, pila ka sigundo human ang away, apan gisorpresa ang mga niini sa batikang Boston forward nga si Jayson Tatum.
Nagsulod si Tatum og 17-foot jumper sa kataposang segundo aron mabulsa sa Celtics ang kadaogan, 125-124.
Sa pagtapos sa away, gikkoptan ni Tatum ang 40 points, 9 rebounds, ug duha ka steal, samtang 20 points usab ang ambag ni Paul George, uban ang 7 ka assists ug 7 ka rebounds.
Nag-una usab sa excellence performance sa Nets ang batikang forward nga si Michael Porter Jr. kinsa mingkomada og 27 points ug 12 rebounds, lakip ang duha ka block, samtang 24 points 9 ka rebounds ang kontribusyon sa kaubanan niining forward nga si Julius Randle.
Bisan paman dili ra layo ang overall shooting percentage sa duha 42-45%, diin nahimong dakong bintaha sa Celtics ang 38 free throws nga gihatag sa mga referee. Sa maong ihap, 30 ang napasulod sa grupo.
Subling 17 lang ang tubag sa Nets nga nagpabiling winless (0-4).
Gikoptan na sa Celtics ang 3-1 nga kartada.
