BUTUAN CITY-Nag-una ang Ilocos Norte 1st District nag adunay pinakadakong kantidad sa mga proyektong nakagahin sa Department of Public Works and Highways (DPWH) sa proposed 2027 national budget, base sa pagsusi sa People’s Budget Coalition nga gipresentar sa Senate Finance Committee karung adlawa Lunes, Oktubre 26.
Sumala ni Kenneth Ibasco Abante, co-convenor sa People’s Budget Coalition, ming-abot sa P4.74 bilyon ang kantodad sa mga proyekto sa Ilocos Norte 1st District, nga nagtala sa 433 budget lines.
Gisundan kini sa Nueva Ecija 1st District nga dunay P3.86 bilyon, Bulacan 2nd District adunay P3.47 bilyon, Metro Manila 3rd District adunay P3.09 bilyon, ug Isabela 4th District nga adunay P3.07 bilyon.
Lakip usab sa 8 ka district office nga adunay pinakadakong kantidad sa mga proyekto ang Batangas 2nd District nga adunay P2.90 bilyon, Bulacan 1st District adunay P2.63 bilyon, ug Cavite 1st District nga adunay P2.59 bilyon.
Ang maong mga kantidad nag tumbok sa mga proyekto sa DPWH district offices ug dili direktang kantidad sa pondong napadulong sa mga kongresista.
