BUTUAN CITY – Lima ka tawo ang namatay sa sunog nga milamoy sa Sorsogon City Public Market kondiin mi-abot sa ikaduhang alarma ang sunog sa wala pa kini napalong sa Bureau of Fire Protection pasado alas-2:27 kaganinang kaadlawon.
Sumala sa Bureau of Fire Protection o BFP-Sorsogon City, misilaob ang sunog kagabii tali sa alas-10:00 ug alas-11:00 ang takna ug mikaylap sa merkado adiser hingpit nga napalong.
Mitabang usab ang mga sakop Philippine Coast Guard sa pagtubag sa insidente.
Sa pagkakaron, wala pa hingpit nga makumpirma ang mga identity sa lima ka namatay, samtang padayon pang gisusi sa mga otoridad ang hinungdan sa sunog ug ang kinatibuk-ang kantidad sa kadaot nga gibilin sa pagkasunog sa merkado.
Samtang nangandam ang lokal nga kagamhanan sa pagtukod og temporaryong merkado aron makapadayon sa pagpanginabuhi ang mga vendors ug tenants nga na-apektuhan sa sunog.
Giplanong andamon ang luna sa daplin sa Sorsogon City Coastal Road alang sa ilang temporaryong puwesto samtang padayon ang pagbangon gikan sa dakong kadaot nga nahimo sa ilang negosyo.
