BUTUAN CITY – Gihagit ni Defense Secretary Gilberto “Gibo” Teodoro Jr. ang umalabot nga mga lider sa militar nga palig-onon ang ambisyon sa pagpa-uswag sa depensa sa nasud ug supakon ang panghunahuna nga dili kaya sa Pilipinas nga atubangon ang mga hagit sa seguridad, ilabina kung nalambigit ang soberanya ug teritoryo niini.
Sa iyang pakigpulong atol sa anibersaryo sa Philippine Military Academy o PMA, giklro ni Teodoro nga dili angay magpakampante ang nasud tungod sa nag-usab-usab nga mga hulga sa nasudnong seguridad.
Gidasig usab niya ang mga kadete ug umalabot nga opisyal sa militar nga mahimong ehemplo sa pagka-andam ug lig-on nga baruganan sa pagpanalipod sa nasud.
Dugang sa kalihim, kinahanglan paspasn sa gobyerno ang pagpalig-on sa kapasidad sa militar aron matubag ang mga hagit sa seguridad nga dugay nang angayng gipangandaman.
Dili na matud pa mabalik ang nausik nga panahon sa pagplano, busa kinahanglan mas paspasan ang mga lakang sa pagpauswag sa depensa.
Lakip sa mga hagit nga angayng andamon ang pag-uswag sa bag-ong teknolohiya, pagpalapad sa mga natd sa operasyon sa militar ug paggamit sa impormasyon isip hinagiban sa panagbangi.
Tungod niini, giklaro ni Teodoro nga kinahanglan padayong mopahi-angay ang Armed Forces of the Philippines o AFP ug ang PMA sa mga kausaban, lakip ang paghulma sa mga lider nga andam motubag sa umaabot nga mga hulga.
