BUTUAN CITY – Nasakmit ni Johann Chua ang kampeonato sa 2026 Philippines Open Pool Championships human niya gipildi ang kababayang Flipino nga si Anton Raga, 11-9, sa usa ka kulba-hinam nga All-Filipino finals.
Maayo ang pagsugod ni Chua human siya makalamang og 5-0, apan mibawi si Raga ug napaduol sa 10-9.
Bisan pa sa dikit nga panagsangka, napabilin ni Chua ang iyang kalamangan aron makuha ang kampeonato.
Sa wala pa ang finals, gipildi ni Chua si Carlo Biado, 10-1, sa quarterfinals ug si Bernie Regalario, 10-2, sa semifinals.Kini na ang ikaduhang Matchroom World Nineball Tour o WNT title ni Chua, human usab siya modaog sa 2024 Hanoi Open Pool Championship.
Gawas sa kampeonato, nadawat ni Chua ang gold trophy ug cash prize nga mokabat sa 1.2 milyon pesos.
