-- ADVERTISEMENT --
BUTUAN CITY – Sulod na sa ikaduhang round sa 2026 Ningbo Open si Pinay tennis star Alex Eala.
Kini human nga gipildi niya si Diane Parry sa France sa score nga 6-3, 6-1.
Daw nakabawi ang World number 20 nga si Eala human ang sayung pagtapos sa kampanya niya sa unang round sa Wuhan Open ug ang pagsakmit niya sa bronze medal sa 2026 Asian Games sa Japan.
Dominado ni Eala ang dula gikan sa pagsugod ug wala na gipaporma pa ang French tennis player sa dula nga natapos sa usa ka oras ug 17 minuto.
Sunod nga maka-agbat niini ang bisan kinsang modaug tali nila Yulia Putintseva ug Diana Shnaider.
