BUTUAN CITY- Ming-abot na sa 4.07 milliones metriko tonelada ang na-angkat nga bugas sa Pilipinas advisor paman hingpit nga masinati ang grabeng epekto sa El Niño. Base kini sa opisyal nga datos gikan sa Bureau of Plant Industry.
Mas taas kini og 20.06 % kumpara sa 3.39M metriko toneladong natala niadtong miaging tuig. Nagpabiling primary source sa bugas ang Vietnam kinsa nag-supply og 2.73M metriko tonelada, nga gisundan sa Thailand ug Myanmar, samtang ang nabiling parte naggikan sa Cambodia, Pakistan, India, South Korea, Japan, ug Italy.
Gibana-banang mo-abot pa sa 5M metriko tonelada ang kinatibuk-ang na-import nga bugas karung tuiga. Kini matud pa aron maprotektahan ang local buffer stock batok sa El Niño.
Samtang, base sa Daily Price Index sa Department of Agriculture, minghapak na sa P60.74 matag kilo ang imported special rice, samtang ang premium rice anaa sa kapin P55.
Ang well-milled rice usab nagkantidad og P48, ug ang regular milled rice anaa sa kapin P45 matag kilo.
