BUTUAN CITY- Gikumpirma sa Palasyo Malacañang karung adlawa Miyerkules, Oktubre 14, nga motambong si United States President Donald Trump sa ika-49 nga Association of Southeast Asian Nation kon ASEAN Summit nga ipahigayon sa Manila gikan Nobyembre 16 hangtod 18, 2026.
Sumala ni Palace Press Officer USec. Claire Castro, kumpirmado na ang pagbisita ni Trump ug mao kini ang unang higayon sa Presidente sa US sa pagbista sa Pilipinas sukad niadtong 2017.
Ang imbitasyon gipadala ni President Ferdinand Marcos Jr. atol sa iyang pagbisita sa White House niadtong Hulyo 2025. Ang Pilipinas ang magdumala sa ASEAN karong tuiga ug himuon kini sa Philippine International Convention Center sa Pasay City.
Tungod sa gipaabot nga grabeng trapiko ug hugot nga mga lakang sa seguridad, gideklarar nga special non-working days ang Nobyembre 16 hangtod 18 sa Metro Manila.
Human sa ASEAN Summit, molupad si Trump paingon sa Shenzhen, China, aron motambong sa Asia-Pacific Economic Cooperation kon APEC Summit gikan Nobyembre 17 hangtod 19, sumala sa mga taho nga nakutlo sa White House.
