BUTUAN CITY- Ming-ubos og usa ka pwesto ang Filipino tennis star nga si Alexandra “Alex” Eala padulong sa No. 19 sa pinakabag-ong Women’s Tennis Association (WTA) official rankings nga gipagawas karung adlawa Lunes.
Gikan sa career-high ranking niini nga na No. 18 niadtong Agosto, aduna na karun 2,241 puntos ang 21-anyos nga pambato sa Pilipinas. Ang kalit nga pag-ubos ni Eala sa ranking usbay sa pagsaka sa Belgian tennis player nga si Elise Mertens gikan sa No. 19 padulong sa No. 14 human makatigom og 2,540 puntos.
Taliwa paman niini, si Eala gihapon ang adunay pinaka-taas nga nakab-ot nga ranggo sa kasaysayan sa South-East Asia sa WTA Tour, human niining malabwan ang kanhing natala nila Yayuk Basuki sa Indonesia ug Tamarine Tanasugarn sa Thailand kansa parehong nahuman sa No. 19.
Samtang, nakatakda usab nga sugdan ni Eala ang kampanya niini sa 1000 Wuhan Open unyang gabie batok sa Chinese qualifier nga si Han Shi, samtang makapareha usab niini ang Turkish player nga si Zeynep Sönmez sa doubles event batok sa Ukrainian duo.
