-- ADVERTISEMENT --
BUTUAN CITY- Gikumpirma sa Department of Migrant Workers kon DMW kaganihang buntag nga duha ka Pilipino ang na-angol atol sa makamatay nga pag-atake sa internasyonal nga airport sa Riyadh, Saudi Arabia, kagahapong adlawa Sabado.
Sumala ni DMW Secretary Hans Leo Cacdac, kini ang ikatulong insidente sa pag-atake nga nahitabo sulod niining semanaha sa maong gingharian.
Sa taho sa mga awtoridad sa Saudi Arabia, mokabat sa 12 ka tawo ang namatay ug kapin sa 300 ang nasamdan tungod sa maong pag-atake.
Gipahibalo usab ni Cacdac nga magpagawas ang DMW og dugang nga impormasyon sulod sa ning adlaw kabahin sa kahimtang sa duha ka Pilipinong biktima ug sa uban pang may kalabotan sa insidente.
