BUTUAN CITY – Blangko pa ang mga Brazilians kung kinsa ang mudaog sa second round sa presidential elections sa Brazil karong Oktubre 25 human natapos na ang unang hugna sa maong eleksyon kondiin nanguna si Flávio Bolsonaro, anak sa kanhi presidenteng si Jair Bolsonaro kinsa nabilanggo karon sa maong nasud.
Sigon ni Bombo international correspondent to Brazil Bruno Gomes – usa ka pure Brazilian apan makasulti og Filipino language, sa unang round sa eleksyon, nakuha ni Bolsonaro ang 47.03% sa mga boto ug misunod na si incumbent President Luiz Inácio Lula da Silva nga mi-abot sa 45.16%.
Tungod kay wala kanila ang nakakuha og kapin sa 50%, rason nga himuon ang runoff sa October 25.
Gibutyag niini nga importante ang resulta ng unang round sa presidential election sa Brazil tungod kay base sa kasaysayan, ang mudaog sa maong hugna, mao usab ang mudaog sa ikaduhang hugna sa eleksyon.
Kini ilabina nga napul-an na ang katawhan sa ilang nasud sa nagkada-iyang isyung gilambigitan sa ilang kagamhanan sama sa kurapsyon, kawala’y seguridad sa ilang panginabuhian, apil na sa ilang kinabuhi ug wala pa’y mga programa ug proyektyong maka-ayo sa kinabag-ang katawhan.
