BUTUNA CITY- Lauman ang nagkanda-iyang lihok sa presyo sa mga produktong petrolyo sunod semana, diin ang presyo sa diesel posibleng moubos og Peso hangtod P1.50 kada litro, samtang ang gasolina posibleng mosaka og P1.80 hangtod P2.00 kada litro, ug ingon man ang Kerosene P1.50 ngadto sa P2.00 matag letro nga pag-usbaw, base sa tibuok semana nga Mean of Platts Singapore trading ug foreign exchange averages.
Sumala sa Department of Energy kon DOE, minghinay ang presyo sa diesel human miuyon ang mga nasod sa G7 ug ilang mga kaabag nga magpagawas og emergency oil ug diesel stocks sulod sa sunod upat ka bulan, kansa nakapamenos sa posibilidad nga ipatuman sa Estados Unidos ang paglimitar sa diesel exports, samtang nagpabiling hugot ang global supply sa gasolina nga maoy nagasuporta sa taas nga presyo niini.
Lauman usab, nga ipahibalo sa mga kompanya sa lana ang opisyal nga adjustment sa presyo karung Lunes ug ipatuman sa Martes.
